गण्डकी प्रदेश साझेदारी फर्म ऐन, २०८१
प्रदेश राजपत्र
गण्डकी प्रदेश सरकारद्वारा प्रकाशित
खण्ड ०८) पोखरा, बैशाख ०८ गते, २०८२ साल (अतिरिक्ताङ्क ०१
भाग १
गण्डकी प्रदेश सरकार
मुख्यमन्त्री तथा मन्त्रिपरिषद्को कार्यालयको सूचना
नेपालको संविधान बमोजिम प्रदेश सभाले बनाएको देहाय बमोजिमको ऐन सर्वसाधारण सबैको जानकारीका लागि प्रकाशन गरिएको छ ।
सम्वत् २०८२ सालको ऐन नं. ०१
गण्डकी प्रदेशमा साझेदारी फर्मको नियमन तथा व्यवस्थापन गर्न बनेको ऐन
प्रस्तावनाः गण्डकी प्रदेशभित्र दुई वा दुई भन्दा बढी व्यक्तिको पुँजीलाई एकीकृत गरी उद्योग, व्यापार तथा व्यवसायमा लगानीको अभिवृद्धिका लागि साझेदारी फर्मको दर्ता, खण्ड ०८) अरि ०१, प्रदेश राजपत्र भाग १ मिति २०८२।०१।०८
नवीकरण र नियमन मार्फत् त्यस्ता फर्मको संरक्षण र प्रवर्द्धन गर्दै प्रदेशको आर्थिक
समृद्धिमा टेवा पुऱ्याउन वाञ्छनीय भएकोले,
गण्डकी प्रदेश सभाले यो ऐन बनाएको छ।
परिच्छेद-१
प्रारम्भिक
१.
संक्षिप्त नाम र प्रारम्भः (१) यस ऐनको नाम “गण्डकी प्रदेश साझेदारी फर्म
ऐन, २०८१” रहेको छ।
(२) यो ऐन तुरुन्त प्रारम्भ हुनेछ ।
२. परिभाषाः विषय वा प्रसङ्गले अर्को अर्थ नलागेमा यस ऐनमा,-
"कार्यालय” भन्नाले मन्त्रालय मातहतको उद्योग, वाणिज्य (क) सम्बन्धी विषय हेर्ने जिल्ला स्थित कार्यालय सम्झनु पर्छ ।
(ख) "तेस्रो पक्ष” भन्नाले साझेदारी व्यवसायका सम्बन्धमा साझेदार बाहेकका अरु कुनै व्यक्ति सम्झनु पर्छ ।
(ग) "निर्देशनालय” भन्नाले मन्त्रालय मातहतको उद्योग, वाणिज्य सम्बन्धी विषय हेर्ने निर्देशनालय सम्झनु पर्छ ।
(घ)
“प्रदेश” भन्नाले गण्डकी प्रदेश सम्झनु पर्छ।
(ङ)
“प्रदेश सरकार” भन्नाले गण्डकी प्रदेश सरकार सम्झनु पर्छ ।
(च)
"फर्म" भन्नाले दफा ६ बमोजिम दर्ता भएको साझेदारी फर्म सम्झनु पर्छ ।
(छ)
"मन्त्रालय” भन्नाले प्रदेश सरकारको उद्योग, वाणिज्य सम्बन्धी विषय हेर्ने मन्त्रालय सम्झनु पर्छ।
(ज) “व्यवसाय” भन्नाले कानून बमोजिम कुनै उद्योग, व्यापार वा वाणिज्य सम्बन्धी पेशा वा व्यवसाय सञ्चालन गर्ने काम सम्झनु पर्छ ।
(झ) "साझेदारी" भन्नाले दफा ६ बमोजिम दर्ता भएको फर्मबाट गरिने व्यवसाय सम्झनु पर्छ ।
Download: गण्डकी प्रदेश साझेदारी फर्म ऐन, २०८१
99